Азаранка саступіла Сэрэне Уільямс

Беларуска Вікторыя Азаранка саступіла першай ракетцы свету Сэрэне Уільямс у фінале тэніснага турніру ў Рыме з прызавым фондам 3,2 млн еўра.

У першым жа гэйме стартавага сэта Сэрэне Уільямс здолела ўзяць бал на падачы беларускі. Далей Вікторыя Азаранка аддала спаборніцы яшчэ адзін гэйм. Пры гэтым амерыканка ўпэўнена набірала балы на сваёй падачы. Першы сэт скончыўся з вялікім лікам для лепшай беларускай тэнісісткі 1:6, паведамляе БелТА.

З пачаткам другой партыі на корце завязалася больш упартая барацьба. Аднак пры ліку 3:2 на сваю карысць Сэрэна Уільямс зноў узяла чужую падачу і павяла 4:2. Да гонару беларускі, яна не апусціла рукі і адразу ж здабыла бал на падачы амерыканскай тэнісісткі. Але ў наступным зацяжным гэйме на сваёй падачы зноў капітулявала перад спаборніцай. Розыгрыш апошняга ў гэтым матчы бала наступіў хутка. З лікам 6:3 Сэрэна Уільямс скончыла на сваю карысць другі сэт, а разам з ім і матч, які прадаўжаўся 1 г. 33 хв.

Сэрэна Уільямс прадоўжыла сваю ўразлівую пераможную серыю гэтага года, давёўшы яе да 24-х матчаў запар.

Вікторыя Азаранка саступіла Сэрэне Уільямс 12-ую партыю з 14-і, у якіх яны паміж сабой сустракаліся на турнірах пад эгідай СТА. Першая ракетка свету ў сваю чаргу зраўняла лік асабістых сустрэч у матчах з Азаранкай у гэтым годзе. Заакіянская спартоўка адыгралася за сваю няўдачу ў фінале турніру ў Досе (Катар), дзе беларуска святкавала перамогу.