Канец «Экамедсервіса»

(абноўлена - 13.04) Лукашенка запатрабаваў «самых жорсткіх» мер у дачыненні да медработнікаў і адміністрацыі цэнтра.

Лукашэнка запатрабаваў правесці расследаванне ў адпаведнасці з заканадаўствам у сувязі са смерцю Юліі Кубаравай падчас правядзення пластычнай аперацыі, якая адбылася 27 сакавіка.

У прэс-службе кіраўніка праінфармавалі, што ён даручыў Міністэрству аховы здароўя ўзяць пад кантроль і кіраванне «Экамедсервіс». «Будучыня гэтай камерцыйнай арганізацыі будзе вызначана ў бліжэйшы час», - гаворыцца ў афіцыйным паведамленні.

Камітэту дзяржкантролю даручана праверыць фінансава-гаспадарчую дзейнасць цэнтра, а Следчаму камітэту забяспечыць прыняцце самых жорсткіх мер пакарання да вінаватых.

Нагадаем, пасля пластычнай аперацыі карэкцыі формы носа ў сталічным камерцыйным медыцынскім цэнтры 27 сакавіка 23-гадовая Юлія Кубарава не прыйшла ў прытомнасць. Праз чатыры тыдні, не прыходзячы ў прытомнасць, пацыентка, перанакіраваная ў 4-ю гарадскую клінічную бальніцу, памерла.

Па словах сваякоў дзяўчыны, аперацыя замест пакладзеных паўтары-дзве гадзіны доўжылася амаль тры. Хірург пасля ўмяшання з'ехаў адразу, анестэзіёлаг зазірнуў да дзяўчыны ў палату, патлумачыўшы, што будзіць яе не трэба - прачнецца сама. І таксама пакінуў устрывожаных бацькоў пацыенткі.

Ноччу медсястра цэнтра, не бачачы паляпшэння яе стану, выклікала лекараў, і дзяўчыну даставілі ў рэанімацыю 4-й гарадской клінічнай бальніцы Менска, дзе яна знаходзілася ў коме чатыры тыдні.

Прадстаўнікі Кастрычніцкага раённага аддзела Следчага камітэта праводзяць праверку па факце гібелі дзяўчыны.