Вага Аляксандра, Віктара і Змітра Лукашэнкаў засакрэчаная

Колькі важаць дыктатар і яго сыны - таямніца.

Удзельнікі II Усерасейскага фестывалю па хакеі сярод аматарскіх каманд, які праходзіць у Сочы ў перыяд з 3 па 10 траўня, павінны ў заяўцы пазначыць свой рост і вагу. Выключэнне зроблена толькі для сям'і беларускага кіраўніка.

Гэта не адзінае выключэнне для сям'і Лукашэнкі, якое зрабілі арганізатары фестывалю.

Каманда Лукашэнкі «Беларусь» гуляе ў дывізіёне World Cup 40 + («Міжнародны»). Прымаць удзел у гэтым дывізіёне згодна з рэгламентам могуць хакеісты 1973 года нараджэння і старэй, якія не гулялі за прафесійны хакейны клуб (або Каманду Майстроў) пад эгідай IIHF або FIB, а гэтак жа хакеісты 1973 года нараджэння і старэй, якія гулялі за прафесійны клуб (Каманду Майстроў) Другой Лігі (Клас А), але якія скончылі свае выступленні не пазней сезона 1996/97 гг.

Зміцер і Віктар Лукашэнкі маладзей (1980 і 1975 г.н.), але спецыяльна для іх у рэгламенце пазначана, што «склад каманды «Беларусь», уключанай у Фестываль у дывізіён «WORLD CUP 40 +» па асабістым запрашэнні кіраўніцтва РФ, узгадняецца і сцвярджаецца Праўленнем Начной Лігі».

Беларуская каманда ўжо правяла дзве сустрэчы, у якіх Дзіма (#7) удзельнічаў у адной сустрэчы, а Віця (#3) - у двух. Па статыстыцы фестывалю, у братоў - горшыя вынікі ў камандзе. Чакаецца, што сам кіраўнік згуляе ў хакей 10 траўня. Ці возьме ўдзел у гульні Коля Лукашэнка, не паведамляецца.