Гродзенская сям'я знайшла на ўчастку закапаны БТР

Незвычайную знаходку выявілі ў зямлі жыхары Гродна падчас падрыхтоўкі да ўзвядзення ўласнага дома.

Пад верхнім пластом зямлі людзі заўважылі металічны люк. Мабыць, глебу размыла праліўным дажджом. Спачатку вырашылі, што знайшлі бункер. Кіраўнік сямейства лапатай ачысціў знаходку. У выніку на паверхні паказаўся корпус ваеннай тэхнікі, перадае тэлеканал ОНТ.

«Патэлефанавалі ў МНС, у міліцыю, прыехалі вайскоўцы, сказалі, што гэта БТР. Выклічуць сапёраў, будуць разбірацца - што гэта, адкуль. Але ўражанне, вядома, невымоўнае. Сябрам, сваякам, каму гаворым - ніхто не верыць. Як гэта на ўчастку можа быць БТР», - распавядае відавочца падзеі Вольга Рагачоўская.

Мясцовыя жыхары ўспамінаюць, што побач з месцам будаўніцтва ў савецкія часы знаходзіўся навучальны палігон ДТСААФ. На ім было шмат адпрацаванай ваеннай тэхнікі, якую выкарыстоўвалі як навучальныя макеты. Ці належала знаходка навучальнаму цэнтру і што за мадэль бронетранспарцёра адкапалі на сваім участку жыхары Гродна, высветляць вайскоўцы.

У Беларусі часта знаходзяць боепрыпасы як на месцы старых палігонаў, так і ў схованках, якія засталіся з часоў Другой сусветнай вайны. Тым не менш, знаходка ў Гродна пакуль застаецца ўнікальнай.