АМАП учыніў аблаву на нудысцкім пляжы

Міліцыя зноў наляцела на нудысцкі пляж на Менскім моры.

Супрацоўнікі здымаюць людзей, якія загараюць, на відэа, потым вяртаюцца ў свой аўтобус, дзе праглядаюць запіс. Пасля гэтага яны пераходзяць да больш рашучых дзеянняў: затрымліваюць і штрафуюць аматараў загараць без адзення.

Гэтая гісторыя пачалася яшчэ ў мінулым сезоне - тады міліцыя стала штодня наведваць нудысцкі пляж і з мегафонам у руках літаральна прымушала нацягваць плаўкі. У гэтым годзе яны вырашылі перайсці да больш радыкальных дзеянняў, піша «Комсомольская правда в Беларуси».

На пратэсты нудыстаў амапаўцы традыцыйна адказваюць, што проста выконваюць сваю працу.

Пасля гэтага яны сыходзяць у мікрааўтобус, дзе адгледжваюць відэа. І зноў вяртаюцца на пляж - на гэты раз канкрэтна за тымі, хто, мабыць, атрымаўся лепш за ўсё.

Спроба затрымаць адну з жанчын, якая загарала, выклікала абурэнне людзей на пляжы.

«Тут нудысцкі пляж ужо 20 гадоў! Усе гэта ведаюць, і каму не падабаецца голае цела, проста абыходзяць яго бокам», - абураецца жанчына ў купальніку, заступаючыся за «ахвяру»амапаўцаў.

«На вас паступаюць скаргі ад наведвальнікаў іншых пляжаў», - адказваюць міліцыянты. Гэта выклікала дружны смех.

«Пакажыце нам гэтага скаржніка! Вы паглядзіце, што робіцца на суседніх пляжах: там п'юць, смецяць і лаюцца матам. А ў нас культурныя людзі адпачываюць», - кажуць менчукі, якія адпачываюць на пляжы.

Што сапраўды здзіўляе - уздоўж пляжаў, нягледзячы на забараняльныя знакі, многія паркуюць там машыны.

«Ваша з'яўленне без адзення ў публічным месцы можа кваліфікавацца як хуліганства. А тое, што вы не жадаеце прайсці са мной у машыну - я расцэньваю як непадпарадкаванне вартавому парадку», - сцвярджае амапавец, працягваючы ўсё здымаць на камеру.

Тым часам з усяго пляжу сталі падцягвацца людзі, яны абступілі супрацоўнікаў з усіх бакоў. Адзін з вартавых парадку падняў з пяску рэчы жанчыны і панёс іх у машыну. Ёй давялося ісці следам.

Аказалася, што ў машыне знаходзяцца яшчэ 4 вартавых парадку.

І хоць у машыне, па словах жанчыны, яны прызналіся, што нудысцкі пляж ім ужо папярок горла стаіць, за прыняцце сонечных ваннаў топлес яе ўсё ж аштрафавалі на 300 тысяч рублёў.

Дарэчы, у канцы траўня Менгарвыканкам афіцыйна пацвердзіў, што загараць топлес не забаронена.

«Ні ў адным нарматыўным прававым акце не пазначана, што нельга загараць топлес, ніякіх штрафаў або іншых санкцый за гэта не прадугледжана» - паведамілі ў прэс-службе ГУУС Менгарвыканкама.