«Авангард» мае намер вярнуць Касціцына

ХК «Авангард» хоча вярнуць у свае шэрагі беларускага форварда Сяргея Касціцына.

«Авангард» паспрабуе вярнуць форварда «Нэшвіла», паведаміла агенцтву «Р-Спорт» крыніца, знаёмая з сітуацыяй.

У сезоне 2012/13 падчас лакаўту ў Нацыянальнай хакейнай лізе (НХЛ) Касціцын правёў за «ястрабаў» 27 матчаў і зарабіў 28 ачкоў (9 галоў + 19 рэзультатыўных перадач). Форвард паспяхова выходзіў на лёд у адной тройцы з Аляксандрам Фраловым і Дзмітрыем Сёміным.

Крыніца адзначыла, што мэнэджмент «Авангарда» мае намер вярнуць Касціцына для аднаўлення рэзультатыўнага спалучэння, і ў выпадку, калі форвард вернецца ў Омск, сібірскі клуб не будзе скасоўваць кантракт з высокааплатным форвардам Аляксандрам Фраловым.

Нагадаем, па выніках гэтага сезона НХЛ галоўны трэнер «Нэшвіла» Бары Троц заявіў, што Касціцын не апраўдаў ускладзеных на яго чаканняў. Кантракт беларуса з «Прэдатарс» з заробкам у 3 мільёны даляраў у год заканчваецца летам 2014 года.