Песні «Ляпіса Трубяцкога» застануцца «Вконтакте»

Такое рашэнне прынялі самі музыкі.

Пра гэта піша mapmusic.ru.

Так, нагадаем, што ў сувязі з выхадам антыпірацкага закона адміністрацыя папулярнай сацыяльнай сеткі «Вконтакте» пачала актыўна выдаляць запісы з сеткі. Тым не менш, карыстальнікі «Вконтакте» для таго, каб захаваць любімыя кампазіцыі пачалі іх пераназываць і захоўваць.

Гурт «Ляпіс Трубяцкі» не належыць ні аднаму лэйблу, таму пытанне аб захаванні сваіх песень у сацыяльнай сетцы музыкі даўно вырашылі.

Так, замест Nirvana у сетцы з'явілася назва Мір ванны, замест Arctic Monkeys - паўднёвыя малпы.

Ачысціць сацыяльную сетку «Вконтакте» ад нелегальнага кантэнту запатрабавалі Sony Music, Universal Music Group і Warner Music Group. Буйныя музычныя лэйблы, якім належаць правы на творчасць артыстаў, вырашылі атрымаць ад «Вконтакте» сваю частку.

«Гэта не артысты звяртаюцца да адміністрацыі «Вконтакте», а іх лэйблы. Яны думаюць пра тое, як бы атрымаць сваю частку грошай за творчасць артыстаў», - паведамілі лідары гурта «Ляпіс Трубяцкі».

Акрамя таго, артысты адзначылі, што з замежнымі зоркамі адбываецца «чыстка» толькі таму, што адміністрацыя сайта баіцца судовых пазоваў.

Варта адзначыць, што самі не плануюць падаваць скаргі і патрабаваць ад сацыяльнай сетцы «Вконтакте» выдалення сваіх аўдыёзапісаў.

Зараз сацыяльная сетка «Вконтакте» каментуе сваё выдаленне музыкі тым, што нібыта «аўдыёзапісы выдаленыя па патрабаванні праваўладальніка». Акрамя таго, раней, кіраўнік сацсеткі Павел Дураў выдаляў запісы з «Вконтакте», пазначаючы іх як тыя, якія не адпавядаюць эстэтычным патрабаванням. Так, напрыклад, кіраўнік «Вконтакте» паступіў з кампазіцыямі расейскага спевака Сяргея Лазарава.

Нагадаем, што сам гурт «Ляпіс Трубяцкі» ў Беларусі, занесены ў чорны спіс выканаўцаў. У сувязі з чым музыкі гастралююць у іншых краінах, падаючы сваім прыхільнікам магчымасць наведаць іх канцэрты ў Кіеве, Маскве, Вільні і іншых гарадах.