Belarus Airlines уратуе Брэда Піта ад зомбі ў фільме «Вайна міроў Z»

Новы фільм рэжысёра Марка Форэстэра паказалі на адкрыцці Маскоўскага міжнароднага кінафестывалю.

Журналісты ўбачылі карціну раней і падзяліліся сваімі ўражаннямі.

Фільм зняты па аднайменным рамане Макса Брукса і ў арыгінале называецца «Сусветная вайна Z». Сюжэт вельмі просты і нават кананічны. На зямлі ў геаметрычнай прагрэсіі распаўсюджваецца невядомы вірус, людзі ператвараюцца ў зомбі і пачынаюць забіваць усё жывое. У свеце пануе хаос - здаецца, не засталося на планеце месца, дзе можна адчуць сябе ў бяспецы. Хіба што ў адкрытым моры... Галоўны герой Джэры Лэйн, якога гуляе Брэд Піт, - следчы ААН у адстаўцы. Зразумела, па законе жанру, менавіта яму даверана знайсці проціяддзе і выратаваць чалавецтва ад гібелі.

«Бесперапынны экшэн не дае расслабіцца і пастаянна трымае ў напружанні. Рэжысёру ўдалося пазбегнуць зацягнутасці, якой зараз грашаць многія стужкі. Карціна пачынаецца, як і дзесяткі іншых фільмаў-катастроф: дом у прыгарадзе, раніца, ідэальная амерыканская сям'я - мама, тата і дзве прыгажуні дачкі снедаюць і міла балбочуць ні пра што. Як гаворыцца, нішто не прадвяшчае бяды. Але рэжысёр не стаў цягнуць гуму, і ўжо з наступнай сцэны пераходзіць да справы: вуліцы ахопленыя панікай, людзі спрабуюць выратавацца ад бязлітасных зомбі.

Усе гэтыя мілыя штампы падобных жанраў накшталт героя-астматыка без інгалятара або заскоквання ў транспартны сродак, калі злыдзень ўжо амаль учапіўся ў нагу, невядома чаму зусім не раздражняюць, а самалёт з надпісам Belarus Airlines, які ратуе Джэры ад немінучай гібелі, і зусім прымушае залу падарвацца апладысментамі», - піша ў рэцэнзіі да карціны партал «Вокруг ТВ».

Прэм'ера карціны ў Менску адбудзецца 27 чэрвеня. Фільм можна будзе ўбачыць у кінатэатрах «Мір», «Бярэсце», «Цэнтральны» і «Салют».