Анатоль Шумчанка асуджаны на пяць дзён
128- 27.06.2013, 18:49
- 66,785
Лідар прадпрымальнікаў атрымаў пяць дзён адміністрацыйнага арышту.
Пра гэта «Радыё Свабода» паведаміла жонка Анатоля Шумчанкі.
Працэс над кіраўніком грамадскай арганізацыі «Перспектыва» прайшоў у судзе Цэнтральнага раёна Менска.
Анатоль Шумчанка быў затрыманы сёння прыкладна а 12.30 супрацоўнікамі міліцыі на шляху з рынка «Ждановічы» у гандлёвы цэнтр «Паркінг». Разам з ім былі затрыманыя тры журналісты, якіх неўзабаве адпусцілі.
Нагадаем, сёння беларускія прадпрымальнікі праводзяць агульнанацыянальны страйк. Не працуюць шмат якія рынкі ў Менску, абласных цэнтрах і дзясятках іншых гарадоў краіны. Пастанову пра страйк прыняў Форум прадпрымальнікаў, прысвечаны пытанням ўкаранення тэхнічнага рэгламенту Мытнага саюза «Аб бяспецы лёгкай прамысловасці», які прайшоў 24 чэрвеня ў Менску.