Скандальныя фота «Міс Менск 2013» узбударажылі Байнэт

Новы «твар» Менска пацвярджае высокае месца Беларусі ў рэйтынгу амаральнасці.

Пераможца конкурсу «Міс Менск 2013» Яна Канцавенка не імкнецца да аскетычнага ладу жыцця і добра вядомая наведвальнікам начных клубаў Менска.

Фатаграфіі з вечарынкі «Mojito Bar» у клубе Dozari выклікалі неадназначную рэакцыю ў беларускім інтэрнэце.

«Сімвал, брэнд, які ўвасабляе чысціню і прыгажосць усіх дзяўчат горада. Ганарымся», іранізуюць беларускія інтэрнетчыкі.

Скандальныя фота былі размешчаныя на сайце geometria.ru, аднак пасля гэтага скандалу выдаленыя аўтарам.

Нагадаем, конкурс арганізаваны Менгарвыканкамам, тэлеканалам «Столичное телевидение» і Нацыянальнай школай прыгажосці. Фінал V конкурсу прыгажосці «Міс Менск 2013» прайшоў у Палацы спорту ў Менску 27 чэрвеня.