Грошы на АЭС возьмем і ў кітайцаў
25- 11.07.2013, 9:25
- 12,626
На будаўніцтва АЭС урад хоча ўзяць у Экспартна-імпартнага банка Кітая 324 млн даляраў.
Пастанова Саўміна № 598 аб правядзенні перамоваў па праекце крэдытнага пагаднення паміж урадам Беларусі і Экспартна-імпартным банкам Кітая і яго падпісанні прынятая 9 ліпеня.
Беларускі бок хоча прыцягнуць у 2013-2018 гадах тэрмінам на 15 гадоў крэдыт Экспартна-імпартнага банка Кітая для рэалізацыі інвестыцыйнага праекта «Будаўніцтва АЭС у Рэспубліцы Беларусь. Выдача магутнасці і сувязь з энергасістэмай» у суме 323 817 000 даляраў ЗША.
Міністр энергетыкі Уладзімір Патупчык упаўнаважаны на правядзенне перамоваў па праекту крэдытнага пагаднення і падпісанне крэдытнага пагаднення пры дасягненні дамоўленасці ў межах адобранага праекта.