Сібірскія лыжніцы ў бікіні трапілі ў Кнігу рэкордаў Гінеса (Відэа)

Кніга Гінеса зацвердзіла рэкорд 500 лыжнікаў і сноўбардыстаў у купальніках і плаўках, якія ў красавіку прынялі ўдзел у «голым спуску» з гары Зялёная на гарналыжным курорце Шэрэгеш у Кемераўскай вобласці.

Пра гэта паведамляе агенцтва «Р-Спорт» са спасылкай на афіцыйны сайт кнігі.

Па словах арганізатараў акцыі, на старт 20 красавіка выйшлі каля 1000 чалавек, аднак нарыхтаваныя загадзя бэйджыкі ў колькасці 500 штук скончыліся задоўга да канца чаргі на рэгістрацыю ўдзельнікаў. Таму ў кнізе зафіксавана 500 удзельнікаў.

На спуску прысутнічалі суддзі, уся відэа-і фотафіксацыя натарыяльна завераная.

«Сярэдняя тэмпература падчас спуску змянялася ад плюс 9 да мінус 4 градусаў», - адзначаецца на сайце кнігі.

Папярэдні рэкорд па гарналыжным бікіні-параду быў устаноўлены ў Канадзе, тады з гары адначасова з'ехалі 250 удзельнікаў. У Кузбасе ён быў пераўзыдзены ўдвая.

Арганізатары акцыі не хаваюць, што адной з галоўных мэтаў мерапрыемства было прыцягненне ўвагі да сібірскага курорту. Раней напаўаголеныя сноўбардысткі ўжо праславілі Шэрэгеш, размясціўшы ў Сетцы падобнае відэа.