Аўтару скандальнага «серыяла» аб МАЗе пагражаюць крымінальнай справай

Руслана Мірзаева, які зняў відэа аб працы МАЗа, выклікалі ў службу аховы завода.

Рабочага прыстрашылі распачынаннем крымінальнай справы і запатрабавалі выдаліць скандальныя ролікі, піша onliner.by.

«Я яшчэ працую на МАЗе. Сёння мяне выклікалі ў службу аховы завода, папрасілі выдаліць гэтае відэа. Я выдаліў. Сказалі, што мяне могуць прыцягнуць да крымінальнай адказнасці. Што ж, як будзе, так і будзе. Значыць, у тым воля вышэйшых сіл. Усё, што мог зрабіць са свайго боку, я зрабіў - выдаліў відэа. Імкнуся цяпер жыць без страху, не трымаць у галаве ўсякія благія думкі. На відэа я проста расказаў, нічога не перабольшваючы, як усё адбываецца. Прывык гаварыць праўду», - распавядае Руслан Мірзаеў.

Працоўны МАЗа сябе не ўважае за вінаватага і кажа, што здымаў тое, што кожны дзень адбываецца ў цэху.

«У іх прэтэнзіі такія, што я навёў паклёп, зганьбіў, што перабольшанае многае. Што нібыта людзі, якіх я зганьбіў, будуць пісаць заявы. Хоць гэтыя ж людзі нармальна ставіліся да здымак, з гумарам успрымалі тое, што адбываецца. Усё гэта можа абярнуцца жаласна. Але я не шкадую ні пра што, хоць у некаторых месцах, можа быць, былі нейкія перабольшанні... Усё ж здымалася з якой мэтай? Проста парагатаць. У прынцыпе, усё праўда, што там было. Я нічога не схаваў, усё паказаў», - кажа ён.

Руслан Мірзаеў заяўляе, што не будзе моцна перажываць, калі яго звольняць з заводу.

«Такая перспектыва, магчыма, чакае мне цяпер. А тады яны не маглі мяне звольніць, бо я адбываў пакаранне ў папраўчай установе, гэта значыць на «хіміі». Мяне як «хіміка» адправілі на завод. Вы ведаеце, цяпер ёсць пастанова, што ўсіх, хто адбывае пакаранне ў менскіх установах, адпраўляюць працаваць на МАЗ. І мяне туды даслалі. Афіцыйна кіраўніцтва завода не мае права звольніць «хіміка». Цяпер я пераведзены на хатні рэжым, адбываю пакаранне дома. Як толькі я вызвалюся, паводле заканадаўстве яны адразу ж маюць права скасаваць са мной дамову. Але ў мяне дзіця, я разважыў, не буду кідацца, перавядуся адразу ў іншы цэх і папрацую адзін годзік, пакуль не знайду нешта лепшае. Гэта значыць кантракт у мяне ўкладзены на год, але, мяркуючы з таго, што адбываецца, зробяць так, каб я пайшоў добраахвотна са згоды двух бакоў. Я асабліва праз гэтага хвалявацца не буду. Але калі трэба дапрацаваць год, то дапрацую», - кажа ён.