У Менску скралі катамаран
9- 12.07.2013, 10:42
- 15,326
Групе маладых людзей 19-20 гадоў, якая распіла дзве бутэлькі гарэлкі, далёка сплысці не ўдалося.
Як паведамляе ГУУС Менгарвыканкама, спачатку маладыя людзі вырашылі разгайдаць асвятляльную мачту, каб збіць плафон. Адзін з ліхтароў на вуліцы Сталетава паддаўся намаганням хуліганаў. Плафон упаў на зямлю і разбіўся. Прыяцелі сталі разбіваць і суседнія ліхтары.
У завяршэнне прагулкі яны спусціліся да водаканалу і сагналі катамаран. Аднак тут кампанія прыцягнула ўвагу міліцэйскага нараду, які і затрымаў маладых людзей.
Шкода ад іх «свавольства» з ліхтарамі склала каля Br300 тысяч.