Чума свіней дабралася да Расеі
42- 14.07.2013, 12:59
- 31,635
Афрыканскую чуму свіней, смяротнае і вельмі заразнае для гэтых жывёл захворванне, выявілі пад Масквой.
9 ліпеня ў трох кіламетрах ад вёскі Харланіна Валакаламскага муніцыпальнага раёна Маскоўскай вобласці выяўленыя тушы трох загінулых дзікоў, затым 12 ліпеня на тэрыторыі прыватнага падворка пасёлка Вялікая Сястра Латошынскага муніцыпальнага раёна - туша хатняй свінні, паведамілі ў МУС Расеі.
«Трынаццатага ліпеня ветэрынарнай лабараторыяй устаноўлена, што прычынай гібелі жывёл з'явілася захворванне афрыканскай чумой», - паведаміла РИА «Новости» крыніца ў міністэрстве.
З ягоных слоў, у цяперашні час праводзяцца карантынныя мерапрыемствы.
Пакуль невядома, ці патрапіў вірус АЧС ў Расею з Беларусі, дзе выяўленыя, як мінімум, два ачагі захворвання. Адзін з іх находзіцца пад Віцебскам - усяго ў некалькіх дзясятках кіламетраў ад расейскай мяжы.
Афрыканская чума свіней (хвароба Мантгомеры) упершыню была зафіксавана ў 1903 годзе ў Паўднёвай Афрыцы. У натуральных умовах да захворвання ўспрымальныя хатнія і дзікія свінні. Заражэнне адбываецца пры кантакце здаровых жывёл з хворымі. Захворванне надзвычай небяспечнае для жывёлагадоўлі, паколькі не паддаецца лячэнню і вакцынапрафілактыцы.
Некалькі дзён таму галоўны санітарны ўрач Расеі Генадзь Анішчанка заявіў, што вірус у будучыні можа пагражаць чалавеку.
Спыніць распаўсюджванне АЧС можна толькі жорсткімі карантыннымі мерапрыемствакмі. Звычайна яны складаюцца ў тым, што ўсіх свіней у радыусе некалькіх кіламетраў выразаюць і спальваюць.