На фестывалі ў Судаку Міхалок спяваў з гледачамі
9- 29.07.2013, 20:32
- 21,712
Падчас выступу галоўнага хэдлайнера штогадовага музычнага фестывалю «Суседні свет» гурта «Ляпіс Трубяцкой» у вакаліста пачаў псавацца мікрафон.
У другі дзень фэсту, які адбыўся ў Судаку з 26 да 28 ліпеня, пайшоў моцны дождж, які, верагодна, і стаў прычынай непаладак з тэхнікай. Аднак выступлення іншых артыстаў прайшлі паспяхова, праблемы пачаліся толькі падчас выхаду на сцэну папулярнага калектыву з Беларусі. Ужо з першай кампазіцыі мікрафон лідара гурта Сяргея Міхалка пачаў трашчаць, некалькі разоў гук знікаў зусім.
Гледачы не адчайваліся: яны як маглі падтрымлівалі артыстаў і падчас праблем з тэхнікай самі дапявалі вядомыя кампазіцыі «Ляпіса Трубяцкога», паведамляюць «Аргументы тыдня - Крым».
На сцэну раз-пораз выходзілі тэхнічныя работнікі, але гук так і не ўдалося наладзіць, таму канцэртная праграма скончылася даволі хутка. Пачуць меркаванне саміх артыстаў не атрымалася, паколькі сустрэча з журналістамі не адбылася.