Фільм пра Беларускі свабодны тэатр пакажуць на фестывалі ў Таронта
2- 31.07.2013, 8:27
- 7,163
Стужку пра падпольны тэатр з Беларусі зняла Медэлін Саклер - намінантка на прэмію Оскар 2010 года.
Пра гэта паведаміў дырэктар Беларускага свабоднага тэатра Мікалай Халезін.
«Цяпер можна і паведаміць, - напісаў ён у сваім акаўнце ў сацыяльнай сетцы «Фэйсбук». - У пачатку верасня, на кінафестывалі ў Таронта - адным з вядучых кінафорумаў ў свеце - пройдзе прэм'ера дакументальнага фільма «Unstable Elements». Гэта фільм пра Беларускі Свабодны тэатр, які здымаўся на працягу двух апошніх гадоў. Рэжысёр - Мэдэлін Саклер, намінантка на прэмію Оскар 2010 года».
Цяпер вызначаецца, хто з вядомых дзеячаў тэатра і кіно прадставіць фільм на прэм'еры ў Таронта. Фільм прымае ўдзел у асноўнай праграме кінафестывалю.