Даішнікі расстралялі аўто п'янага кіроўцы

Каб спыніць парушальніка супрацоўнікам ДАІ прыйшлося прымяніць табельную зброю.

«Для спынення супрацьпраўных дзеянняў і забеспячэння дарожнай бяспекі былі зробленыя 3 папераджальныя стрэлы. Аднак кіроўца Пежо іх праігнараваў. Далей была выкарыстаная табельная зброя ў месцах, дзе гэта не ўяўляла небяспекі для іншых удзельнікаў дарожнага руху. У выніку ў аўтамабіля Пежо 19 пашкоджанняў», паведамляе прэс-служба УДАІ ГУУС Менгарвыканкама.

4 ліпеня ў 3 гадзіны 52 хвіліны інспектар ДПС АДАІ Маскоўскага РУУС ад грамадзян атрымаў інфармацыю аб тым, што па пр. Жукава рухаецца аўтамашына Пежо 406, у кіроўцы якой відавочныя прыкметы алкагольнага ап'янення. У пагоню за парушальнікам, які рухаўся з хуткасцю 140 км/гадзіну, кінуліся 5 экіпажаў ДАІ і пасля прымянення табельнай зброі, кіроўцу Пежо ўдалося спыніць.

На спушчаных колах кіроўца аўтамашыны працягваў рух па вуліцы Алібегава, дзе ў 04 гадзіны 10 хвілін на скрыжаванні вуліц Алібегава - Я.Брыля быў затрыманы. Медыцынскі агляд паказаў у крыві кіроўцы Пежо 1,2 праміле алкаголю.

Па гэтым факце праводзіцца праверка. У дачыненні да парушальніка складзена 15 адміністрацыйных пратаколаў: за ігнараванне патрабавання супрацоўніка ДАІ аб спыненні, выезды на сустрэчную паласу, праезды на чырвоны сігнал святлафора, парушэнне хуткаснага рэжыму, кіраванне аўтамабілем у стане алкагольнага ап'янення.

Чытачка charter97.org стала сведкай здарэння. «Сёння раніцай былі пабуджаныя выццём сірэн, былі чутныя воплескі, падобныя на стрэлы. Выйшлі на балкон, дзе ўбачылі такую карціну - некалькі машын ДАІ атачылі аўтамабіль», напісала відавочца і выслала некалькі фота ў пацверджанне сваіх слоў.