Былы трэнер менскага «Дынама» стаў настаўнікам «Урала»
- 23.08.2013, 16:49
- 6,071
Футбольны клуб «Урал» (Екацярынбург), які выступае ў Расейскай футбольнай прэм'ер-лізе (РФПЛ), зацвердзіў былога настаўніка менскага «Дынама» Алега Васіленку на пасадзе галоўнага трэнера каманды.
«Алег Васіленка, які да сённяшняга дня выконваў абавязкі настаўніка «Урала», зацверджаны на пасадзе галоўнага трэнера. Сёння ў якасці галоўнага трэнера Алег Пятровіч быў унесены ў афіцыйную заяўку клуба», - паведаміў у пятніцу афіцыйны сайт «Урала».
39-гадовы спецыяліст працаваў у моладзевых камандах стаўрапольскага «Дынама», маскоўскага ЦСКА і падмаскоўнага «Сатурна». У 2003 - 2004 гадах, і ў 2009 - 2010 гадах ён уваходзіў у трэнерскі штаб сочынскай «Жамчужыны».
У 2010 годзе Васіленка ўзначаліў менскае «Дынама», адкуль пасля першага круга чэмпіянату Беларусі быў звольнены за нездавальняючыя вынікі. З 2011 па 2012 год ён працаваў з моладзевым складам «Краснадара», а з 2012 па 2013 год быў членам трэнерскага штаба махачкалінскага «Анжы».
Фота: yuga.ru