«Трабзонспор» паскардзіўся на менскае «Дынама» ва УЕФА
11- 3.08.2013, 15:23
- 23,772
Турэцкі «Трабзонспор» у пісьмовым выглядзе звярнуўся ва УЕФА з нагоды арганізацыі першага матчу 3-га кваліфікацыйнага раўнда Лігі Еўропы з менскім «Дынама».
«Трабзонспор» выказаў незадаволенасць тым, што матч быў перанесены ў Берасце. У выніку камандзе давялося праехаць на 400 км далей ад Менска. Турэцкая старана выказала меркаванне, што выбар стадыёна, які знаходзіцца гэтак далёка ад сталіцы, менскім «Дынама» быў зроблены наўмысна. Мэта - стварыць неспрыяльныя ўмовы для спаборніка, паведамляе Football.by.
Таксама прадстаўнікі «Трабзонспор» у сваім звароце задаліся пытаннем аб тым, чаму УЕФА дазволіў праводзіць матч у горадзе без аэрапорта.
Турэцкая старана ў лісце апісала ўсе праблемы, якія паўсталі пры падарожжы ў Беларусь.
Нагадаем, што першая сустрэча скончылася перамогай туркаў (1:0). Гульня ў адказ адбудзецца 8 жніўня.