Электрычнасць падаражэла на 12%

Саўмін Беларусі ўстанавіў новыя тарыфы на электрычную энергію для насельніцтва.

Пастанова № 756 уступае ў сілу з 1 верасня.

Электрычная энергія ў жылых дамах (кватэрах), абсталяваных ва ўстаноўленым парадку электрычнымі плітамі будзе каштаваць па аднаставачным тарыфе 479,1 за кВт·г. Дыферэнцыраваны тарыф па часавых перыядах: мінімальных нагрузак (з 22.00 да 17.00) - 335,4 за кВт·г, максімальных нагрузак (з 17.00 да 22.00) - 958,2 за кВт·г.

Электрычная энергія для патрэбаў ацяплення і гарачага водазабеспячэння з далучанай магутнасцю абсталявання больш за 5 кВт: перыяд мінімальных нагрузак (з 23.00 да 6.00) - 563,8 за кВт·г, астатні час сутак - 1691,4 за кВт·г.

У іншых выпадках электрычная энергія будзе каштаваць па аднаставачным тарыфе 563,8 за кВт·г. Дыферэнцыраваны тарыф па часавых перыядах: мінімальных нагрузак (з 22.00 да 17.00) - 394,7 за кВт·г, максімальных нагрузак (з 17.00 да 22.00) - 1127,6 за кВт·г.