Беларускія цыгарэты лідзіруюць на чорным рынку Літвы
13- 31.08.2013, 15:19
- 14,952
Да траціны цыгарэт у Літве могуць быць кантрабанднымі, прычым 75 працэнтаў кантрабанды - беларускай вытворчасці.
Літва застаецца адным з самых «гарачых пунктаў», праз які не з краін Еўразвязу (ЕЗ) паступаюць кантрафактныя цыгарэты, піша ru.delfi.lt.
У другім квартале гэтага года праведзенае незалежнай кампаніяй Nielsen даследаванне пустых пачак з-пад цыгарэт паказала, што ў Літве траціна цыгарэт можа быць кантрафактнай.
«Маштабы кантрабанды ў Літве застаюцца другімі па велічыні ў Еўропе і ў другім квартале гэтага года ў параўнанні з такім жа перыядам мінулага года выраслі на 0,3% а часам да 29,6%», - сказаў кіраўнік па карпаратыўных справах для Літвы кампаніі Philip Morris Baltic Лаўрынас Бучаліс, які прадставіў у чацвер у Клайпедзе вынікі гэтага даследавання .
Даследаванне паказала , што на нелегальным рынку Літвы пераважаюць пачкі з-пад беларускіх цыгарэт (75 %), пераважна ад цыгарэт Minsk і Fest гарадзенскай тытунёвай фабрыкі.
Даследаванне праводзілася ў 20 гарадах краіны, было сабрана 5800 пачкаў, выкінутых ў грамадскіх месцах. Сельская мясцовасць ў даследаванне не патрапіла.
Паводле падлікаў Нацыянальнай асацыяцыі вытворцаў тытунёвых вырабаў, пры такім узроўні кантрабанды толькі ў гэтым годзе дзяржбюджэт не дабярэцца 250 млн літаў акцызу і 69 млн літаў ПДВ - гэта значыць практычна трэць мільярда літаў, паведаміла Асацыяцыя працадаўцаў Клайпедскай акругі.
Са слоў кіраўніка гэтай асацыяцыі Арас Мілешкі, цень кантрабандных цыгарэт яшчэ можа вырасці, калі будзе праведзена ў жыццё прапанаваная Еўракамісіяй (ЕК) Дырэктыва аб тытунёвых вырабах. Пры дапамозе гэтай дырэктывы ў краінах ЕЗ хочуць цалкам забараніць гандаль тонкімі цыгарэтамі і цыгарэтамі з мятным густам.
«Даследаванні паказалі, што калі забараніць такія цыгарэты, то ў Літве больш за 77% спажыўцоў стануць шукаць іх на нелегальным рынку», - сказаў Мілешка.
Пік спажывання кантрафактнага курыва прыпадае на 2010 год, тады нелегальны рынак складаў больш за 40% усяго рынку тытунёвых вырабаў.