Закупачныя кошты на малако вырастуць на 10%

Мінсельгаспрам Беларусі павышае закупачныя кошты на малако.

Яны вырастуць на 10 адсоткаў. Пра павышэнне фіксаваных закупных коштаў на каровіна малако, якое закупляецца для дзяржаўных патрэб, гаворыцца ў пастанове Мінсельгаспрама ад 1 жніўня.

Нагадаем, раней віцэ-прэм'ер беларускага ўрада Міхаіл Русы абяцаў, што на працягу 2013 года кошты на малако расці не будуць. «Закупачны кошт малака катэгорыі «Экстра»складае 33 цэнта. Гэта еўрапейскі кошт. Уздымаць яго вышэй эканамічна немэтазгодна. Мы не будзем гэтага рабіць. Па крайняй меры, на працягу года», - сказаў ён у канцы мінулага года.