НЗ на магілёўскім заводзе: рабочы атрымаў апёкі 3 ступені
7- 9.08.2013, 10:44
- 9,697
Няшчасны выпадак адбыўся ў зборачным цэху тэхналагічных металаканструкцый Магілёўскага заводу «Прамтэхмантаж».
8 жніўня ў цэнтр аператыўнага ўпраўлення Магілёўскага ГАЧС паступіла паведамленне аб шпіталізацыі мужчыны з апёкамі, атрыманымі ў цэху філіяла «Магілёўскі завод тэхналагічных металаканструкцый» адкрытага акцыянернага таварыства «Прамтэхмантаж», паведамляе прэс-служба МНС.
У ходзе праверкі было ўстаноўлена, што каля 16-30 8 жніўня ў зборачным цэху прадпрыемства пры афарбоўцы знутры металічнай ёмістасці аб'ёмам 5 м.куб. адбылося ўзгаранне пароў фарбы, у выніку чаго маляр, 1988 г.н., жыхар Магілёва атрымаў апёкі 1-3 ступені 50% цела (галава, тулава, канечнасці) і быў шпіталізаваны ў рэанімацыйнае аддзяленне ўстановы аховы здароўя «Магілёўская гарадская бальніца №1», стан цяжкі.
Прычына здарэння высвятляецца.