«Акавіта» вяртаецца

Легендарны беларускі інтэрнэт-праект сёння атрымаў другое дыханне.

Як паведаміў electroname.com стваральнік сістэмы інтэрнэт-статыстыкі «Акавіта» Фёдар Караленка, праект вяртаецца да нармальнай працы.

Унікальны інтэрнэт-рэсурс, які практычна не абнаўляўся з 2006 года, прайшоў праз скандальнае супрацоўніцтва з TUT.by і страціў частку каманды, некалькі гадоў таму завіс на стадыі абнаўлення «рухавічка». Уладальнікі пляцовак, якія прымалі ўдзел у агульным рэйтынгу, скардзіліся, што статыстыка неадэкватная, а ў рэйтынгу знікла магчымасць паглядзець агульную статыстыку за папярэднія дні. За год з рэйтынгу па розных прычынах сышлі шматлікія папулярныя беларускія інтэрнэт-рэсурсы.

Па словах Караленкі, усе тэхнічныя праблемы вырашаныя.

«Сістэма цяпер павінна працаваць стабільней і дакладней, ліквідаваныя некалькі істотных багаў. Мы ўнеслі ў рухавік шмат правак, але гэта яшчэ не канец. Напрыклад, у статыстыку акаўнтаў дададзеныя справаздачы па пераходах з сацыялак і форумаў, пераходы з навін. У агульны рэйтынг вярнуліся справаздачы за ўчора, за папярэднія 7 і 30 дзён, дадзеныя па аўдыторыі і актыўнай аўдыторыі. Усё гэта як і раней будзе бясплатна для нашых карыстальнікаў, аднак мы плануем увесці і некаторыя платныя сэрвісы, пакуль расказаць больш падрабязна пра гэта не магу», - кажа Фёдар Караленка.

Працягнуць працу арыгінальныя «Пульс Белнэту», «Параўнанне сайтаў», «Прамы эфір», «Актуальныя запыты беларусаў» і іншыя публічныя сэрвісы.

У бліжэйшы час зноў будзе адноўленая праца не мае аналагаў не толькі ў беларускім інтэрнэце сэрвісу СтАн, які не мае аналагаў не толькі ў беларускім інтэрнэце і агрэгіруе дадзеныя па ўсіх рэсурсаў, якія ўсталявалі лічыльнік «Акавіты». На падставе сабранай інфармацыі можна было меркаваць аб развіцці і тэндэнцыях у беларускім інтэрнэце.

«СтАн наогул будзе крут, хапіла б сілы», - дзеліцца планамі Фёдар.

«Цяпер у сістэме зарэгістравана каля 10 тысяч беларускіх сайтаў. Запрашаем дадаваць вашыя сайты ў Акавіту», - кажа аўтар праекта Фёдар Караленка.

***

Akavita - сістэма рэйтынгу сайтаў Беларусі на аснове збору статыстычных дадзеных, каталог беларускіх сайтаў, статыстыка, аналіз і шэраг іншых сэрвісаў. Сістэма была распрацаваная ў 1999 годзе, калі аналагічных сэрвісаў у свеце былі адзінкі, вызначэнне краіны па IP-адрасе было ўнікальным, сэрвісы тыпу GeoIP з'явіліся ў інтэрнэце толькі праз 3 гады. У лістападзе быў зарэгістраваны дамен akavita.com праграма перайшла ў паўнавартасны працоўны рэжым.