НТВ: Лукашэнка стане багацей на 10 трыльёнаў даляраў Зімбабвэ (Відэа)
67- 13.09.2013, 17:52
- 75,579
Расейскі тэлеканал НТВ каментуе ўзяцце Лукашэнкам «Шнобеля».
«Навуковае дасягненне, якое спачатку выклікае смех, апазней прымушае задумацца» - такі дэвіз Шнобелеўскай прэміі. Адным з яе ўладальнікаў у гэтым годзе стаў кіраўнік Беларусі, які забараніў пляскаць у далоні ў публічных месцах, перадае НТВ.
У ЗША ўручылі знакамітыя Шнобелеўскія прэміі - іх штогод прысуджаюць за самыя недарэчныя і кур'ёзныя навуковыя дасягненні. Узнагароды ў гэты раз ганараваўся і Аляксандр Лукашэнка, які стаў лаўрэатам прэміі міру за тое, што забараніў апладысменты ў публічных месцах.
Уладальнікі «Шнобелеўкі» атрымліваюць не толькі званне, але і грашовы прыз у памеры 10 трыльёнаў даляраў Зімбабвэ - адной купюрай. Гэта прыкладна чатыры амерыканскіх даляра.
Псеўданобелеўскія ўзнагароды прысуджаюцца практычна ва ўсіх навуковых галінах, няхай гэта будзе псіхалогія, матэматыка або медыцына, прычым як за практычныя, так і за тэарэтычныя вынаходніцтвы. Напрыклад, як гнаявы жук, які заблудзіўся, можа знайсці дарогу дадому? Ці чым даўжэй карова ляжыць на лузе, тым больш верагоднасць, што яна ў рэшце рэшт устане.