Амерыканка адстаяла права на прозвішча з 35 літар

Джаніс Кеіанаікукауакахіхуліхеекахаунаеле дамаглася таго, што ёй унясуць поўнае імя ў ідэнтыфікацыйную картку і пасведчанне кіроўцы.

Жыхарка Гавайскіх астравоў прымусіла ўлады ўнесці змены ў кампутарную праграму для запаўнення дакументаў, якая абмяжоўвала даўжыню прозвішчы 34 знакамі. Калі праграму абновяць па ўсім штаце, ліміт будзе пашыраны да 40 знакаў, распавялі ў гавайскім упраўленні транспарту. Новыя дакументы амерыканка атрымае ў канцы года, паведамляе BBC.

Джаніс Кеіанаікукауакахіхуліхеекахаунаеле вырашыла дамагацца справядлівасці пасля таго, як паліцыянт, які спыніў яе аўтамабіль, зрабіў некалькі непаважлівых каментароў з нагоды гавайскай культуры. Ён, у прыватнасці, параіў жанчыне вярнуць сабе дзявоцкае прозвішча замест традыцыйнага, што цяжка вымаўляецца.

Дзявочае прозвішча Кеіанаікукауакахіхуліхеекахаунаеле - Ворт. Яна ўзяла прозвішча мужа пасля вяселля ў 1992 годзе, але з тых часоў заўдавела. Са слоў амерыканкі, у яе прозвішча мноства значэнняў, у тым ліку «тая, што ўстане, прымусіць людзей у часе хаосу і смуты засяродзіцца на адным кірунку і дапаможа справіцца з бязладзіцай».

Фота: AFP