Барак Абама: Сітуацыя ў Сірыі патрабуе неадкладных дзеянняў

Рэзалюцыі бессэнсоўныя супраць парушальнікаў міжнародных законаў.

Пра гэта прэзідэнт ЗША Барак Абама заявіў у ходзе сумеснай прэс-канферэнцыі з кіраўніком урада Швецыі Фрэдрыкам Райнфельдтам. Ён падкрэсліў, што сітуацыя ў Сірыі патрабуе неадкладных дзеянняў, каб забяспечыць выкананне міжнародных нормаў, піша РІА «Новости».

«Я думаю, што мы павінны дзейнічаць. Мы асуджаем і выпускаем рэзалюцыі, але хтосьці не баіцца рэзалюцый і тады нормы міжнароднага заканадаўства аказваюцца падарванымі», - сказаў Барак Абама.

Сітуацыя ў Сірыі абвастрылася пасля 21 жніўня, калі з'явілася інфармацыя пра прымяненне ўрадавымі войскамі хімзброі падчас аперацый супраць баявікоў пад Дамаскам. Апазіцыя заявіла пра гібель 1,3 тысячы чалавек, некалькіх тысяч пацярпелых. Заходнія краіны, уключаючы ЗША і Велікабрытанію, скарысталіся гэтай інфармацыяй і адкрыта загаварылі пра магчымае ваеннае ўмяшанне ў сірыйскі канфлікт у абыход ААН.

Нагадаем, члены камітэта па міжнародных справах Сената ЗША ў сераду правядуць пасяджэнне для абмеркавання рашэння прэзідэнта нанесці ўдар па войсках сірыйскага дыктатара.

Праца камітэта будзе праходзіць у закрытым рэжыме, бо на ім будзе прадстаўленая сакрэтная інфармацыя. Чакаецца, што ў ходзе пасяджэння адбудзецца галасаванне па праекце рэзалюцыі ў падтрымку аперацыі супраць Сірыі.

У сераду таксама адбудзецца першае пасяджэнне камітэта па ўзброеных сілах сената па гэтай праблеме.

Раней Абама заяўляў пра неабходнасць пакараць сірыйскі рэжым «за ўжыванне хімічнай зброі супраць уласнага народа» 21 жніўня ў ваколіцах сірыйскай сталіцы. Афіцыйны Дамаск пры гэтым катэгарычна адмаўляе прымяненне ЗМЗ супраць свайго насельніцтва, заяўляючы пры гэтым, што гатовы аказаць супраціў любому патэнцыйнаму агрэсару.

Канчатковае рашэнне па ваеннай аперацыі ЗША ў Сірыі Кангрэс ЗША можа прыняць па завяршэнні 9 верасня парламенцкіх летніх вакацый.