Miss Supranational-2013 стала філіпінка

У Палацы спорту скончыўся фінал міжнароднага конкурсу прыгажосці Miss Supranational-2013.

У гэтым годзе ў конкурсе ўзяла ўдзел рэкордная колькасць дзяржаў - больш за 80. Беларуска Вераніка Чачына выйшла на сцэну Miss Supranational-2013 у сукенцы-карціне. Незвычайны строй прыдумала дызайнерка Наталля Ляхавец. Вераніка стала пераможцай у намінацыі «Miss Supranational Еўропа».

Першыя месцы размеркаваліся наступным чынам: Miss Supranational-2013 - Муція Датул (Філіпіны) «Першая віцэ-Miss Supranational-2013» - Жаклін Маралес (Мексіка) «Другая віцэ-Miss Supranational-2013» - Лэйла Козе (Турцыя) «Трэцяя віцэ-Miss Supranational-2013»- Чок Крыснанда (Інданезія) «Чацвёртая віцэ-Miss Supranational-2013» - Эсоніка Вера (Віргінскія выспы), паведамляе АНТ.