ААН назвала самыя шчаслівыя краіны свету
8- 9.09.2013, 11:23
- 16,279
Лідзіруюць Данія і Нарвегія.
ААН апублікавала рэйтынг самых шчаслівых краін свету, піша NEWSru.com.
Верхнія радкі рэйтынгу занялі Данія, Нарвегія, Швейцарыя, Нідэрланды і Швецыя.
Усяго ў рэйтынгу 150 краін. У яго складанні прынялі ўдзел спецыялісты ў галіне эканомікі, псіхалогіі, статыстыкі і іншых галінах навуковых ведаў. У якасці ацэначных крытэраў эксперты абралі шэсць фактараў: рэальны ВУП на душу насельніцтва, працягласць здаровага жыцця, магчымасць спадзявацца на каго-небудзь у найбліжэйшым атачэнні, суб'ектыўная ступень свабоды ў прыняцці жыццёвых рашэнняў, абароненасць ад карупцыі і шчодрасць.
Фінляндыя саступіла ганаровае трэцяе месца Швейцарыі і скацілася адразу на сёмае месца.
У першую дзесятку шчаслівых краін патрапілі таксама Канада, Аўстрыя, Ісландыя і Аўстралія. Ізраіль займае 11-е месца. У другой дзесятцы - ЗША і Новая Зеландыя, замыкае яе Венесуэла.
Расея ў рэйтынгу апынулася на 68-м месцы. З краін СНД яе абагналі Малдова, Казахстан, Туркменістан, Узбекістан, і нават Беларусь. Астатнія былыя савецкія рэспублікі, у тым ліку краіны Балтыі, апынуліся менш «шчаслівымі».
У параўнанні з леташнім рэйтынгам Расея паднялася адразу на восем радкоў. Суседзямі Расеі па рэйтынгу апынуліся Маўрытанія і Турэцкая рэспубліка Паўночнага Кіпра.
Некаторыя еўрапейскія краіны апынуліся ў другой сотні рэйтынгу, у тым ліку Сербія, Боснія і Герцагавіна, Венгрыя, Македонія.
Як і ў мінулым годзе рэйтынг замыкаюць краіны Афрыкі: Гвінея, Танзанія, Руанда, Бурундзі, Цэнтральная Афрыканская Рэспубліка, Бенін і Тога.