Сэрэна Уільямс вылецела з Australian Open
24- 19.01.2014, 10:39
- 20,191
Сербская тэнісістка Ана Іванавіч у матчы чацвёртага круга турніру Australian Open абыграла першую ракетку свету Сэрэну Уільямс.
Першы сэт сустрэчы Іванавіч саступіла з лікам 4:6, аднак у двух іншых партыях аказалася мацнейшай за Уільямс. Другі і трэці сэт завяршыліся з лікам 6:3 на карысць сербкі, якая займае 14-ы радок у рэйтынгу WTA, паведамляе Lenta.ru.
26-гадовая Ана Іванавіч (на фота) здабыла перамогу над Сэрэнай Уільямс упершыню за сваю больш чым дзесяцігадовую кар'еру ў прафесійным тэнісе.
Не здолела прабіцца ў наступны круг прадстаўніца Расеі Кацярына Макарава, кітайская тэнісістка Лі На абыграла яе з лікам 6:2; 6:0 у двух сэтах.
Фота: William West/AFP