Тры п'яныя школьніцы ўчынілі дэбош у Наваполацку
23- 27.01.2014, 18:25
- 5,432
Старшакласніцы ішлі дадому, па дарозе, перакульваючы гандлёвыя прылаўкі і скрыні з пяском.
Звычайна «дэманстраваць п'яную ўдаласць», кажучы мовай пратаколаў, ахвота ўзнікае ў падпітых хлопцаў. У Наваполацку ж вызначыліся дзяўчаты-старшакласніцы, піша «Комсомольская правда в Беларуси».
«Дзяўчаты распівалі спіртное з маладзёнамі, з якімі пазнаёміліся выпадкова, - распавёў начальнік наваполацкай інспекцыі ў справах непаўналетніх Генадзь Булах. - Пад чатыры гадзін раніцы іх затрымалі на вуліцы Маладзёжнай. Дзяўчаты ішлі, перакульваючы на сваім шляху ўсе гандлёвыя прылаўкі і скрыні з пяском, паводзілі сябе вельмі агрэсіўна».
Усе тры старшакласніцы ўжо стаялі на ўліку ў інспекцыі ў справах непаўналетніх, цяпер у іх «спісе заслуг» яшчэ і дробнае хуліганства - менавіта так расцэньваюцца паводзіны дзяўчат згодна з Адміністрацыйным кодэксам. Хлопцаў, якія напаілі старшакласніц, загадзя ведаючы, што ніводнай з іх яшчэ няма васемнаццаці, таксама прыцягнуць да адказнасці за ўцягванне непаўналетніх у антыграмадскія дзеянні.
Дарэчы, у дэбошы хлопцы не ўдзельнічалі.