У Каліфорніі сабакі-серферы пакарылі хвалю (Відэа)
- 1.10.2014, 10:01
- 4,591
У Каліфорніі ў Ханінгтан Біч прайшлі штогадовыя спаборніцтвы для серфераў.
І самае цікавае, што заваёўнікамі хваляў сталі сабакі. Гадаванцы на дошках для серфінгу спаборнічаюць ўжо не ў першы раз. Мерапрыемства пяты год карыстаецца папулярнасцю, паведамляе Расейская служба Бі-Бі-Сі.
Хоць спаборніцтвы для жывёл, ніякіх патуранняў сабакам не давалі: усе сур'ёзна і па-даросламу. Касматых і не вельмі удзельнікаў падзялілі на розныя катэгорыі ў залежнасці ад вагі.
Яшчэ адна асобная падгрупа - тандэмы сабака і ўдзельнік, якія рассякаюць хвалі ў пары з гаспадаром.
У сабачым серфінгу ёсць і строгае журы, якое ацэньвае спрыт сабакі, які здолеў выстаяць на дошцы і, вядома ж, вышыню хвалі, якую ўдзельнік змог пераадолець без падзення. Дарэчы, як менавіта сабака стаіць на дошцы - хоць бокам, хоць задам - яго асабісты выбар.
З кожным годам жадаючых паспаборнічаць спартоўцаў становіцца ўсё больш. Так летась сабак-удзельнікаў было блізу сотні.
Гледзячы на адважных сабак на бордах некаторых хочацца толькі пашкадаваць, а вось некаторыя сапраўды прыроджаныя змагары са стыхіяй.