Лепшая краіна для пажылых людзей - Нарвегія, а Беларусь - на 64-м месцы
8- 1.10.2014, 10:23
- 12,151
Няўрадавая арганізацыя HelpAge International апублікавала чарговы рэйтынг якасці жыцця пажылых людзей краін сярод 96-ці дзяржаў.
Першы радок у рэйтынгу займае Нарвегія.
Пры складанні рэйтынгу ўлічваецца сацыяльны і матэрыяльны дабрабыт тых, каму за 60 гадоў. На 96-м месцы - Афганістан, дзе ўмовы жыцця старых, паводле ацэнкі складальнікаў рэйтынгу, з'яўляюцца найбольш цяжкімі, паведамляе «Наша Нiва».
Беларусь займае ў рэйтынгу 64-е месца, следам за ёй ідзе Расея. На 63-м месцы - Гватэмала.
Суседзі: Польшча на 32-м месцы, Латвія - на 35-м, Літва - на 60-м, не суседка, але блізкая нам, Эстонія - на 20-м. Украіна - на 82-м.
Дзесятка лепшых: Нарвегія, Швецыя, Швейцарыя, Канада, Нямеччына, Нідэрланды, Ісландыя, ЗША, Японія, Новая Зеландыя.