У Данецку снарад выбухнуў на тэрыторыі школы
12- 1.10.2014, 12:47
- 16,225
Ёсць загінулыя і параненыя.
Сёння падчас абстрэлу Кіеўскага раёна ў пяці метрах ад агульнаадукацыйнай школы №57 ўпаў снарад.
У гэты момант усе дзеці, блізу 70 чалавек, ужо знаходзіліся ў будынку навучальнай установы. Яны ў тэрміновым парадку былі накіраваныя ў хованкі, размешчаныя ў склепе, паведамляе афіцыйны сайт мэра горада Аляксандра Лук'янчанкі.
У школе выбухной хваляй пашкоджаныя вокны і дзверы.
Паводле папярэдняй інфармацыі, навучэнцы школы не пацярпелі. Раненні рознай ступені цяжкасці атрымалі 6 дарослых, яны дастаўлены ў лячэбныя ўстановы.
На гэты момант дзеці ўсё яшчэ знаходзяцца ў хованцы, паколькі абстрэлы ў Кіеўскім раёне не спыняюцца.
Тым часам у гарадскім аддзеле адукацыі «Укрінфарм» паведамілі пра тое, што ў выніку траплення снарада два чалавекі загінулі.
«Снарад разарваўся ў некалькіх метрах ад самога будынка, у школе выбітае шкло, дзеці не пацярпелі. Тым не менш, два чалавекі, якія знаходзіліся ў эпіцэнтры выбуху, загінулі», - паведамілі ў гарана.