Пуцін абяцае пакуль не абмяжоўваць доступ у інтэрнэт
9- 1.10.2014, 14:31
- 6,434
Прэзідэнт Расеі на пасяджэнні Савета Бяспекі заявіў, што не плануе абмяжоўваць доступ у інтэрнэт і ставіць яго пад кантроль.
«Хацеў бы падкрэсліць, што мы не маем намеру абмяжоўваць доступ у сетку, ставіць яе пад татальны кантроль, абмяжоўваць законныя інтарэсы і магчымасці людзей і грамадскіх арганізацый і бізнэсу ў інфармацыйнай сферы», - цытуе Пуціна карэспандэнт «Газеты.Ru».
Ён таксама адзначыў, што Расея фіксуе пастаянны рост кампутарных нападаў на расейскія інфармрэсурсы.
Акрамя таго, ён пазначыў, што неабходна выпрацаваць комплекс мер у абароне расейскага сегмента інтэрнэту.
«Варта якасна павысіць бяспеку айчынных сетак сувязі і інфармацыйных рэсурсаў, у першую чаргу тых, што выкарыстоўваюць дзяржструктуры. Трэба імкнуцца выключыць незаконнае пранікненне ў іх працу, а таксама ўцечку персанальнай і канфідэнцыйнай інфармацыі», - сказаў прэзідэнт.
Ён таксама ўдакладніў, што сайты з незаконным кантэнтам будуць закрывацца.