Дызайнеры павялічаць кішэні на джынсах для новага iPhone
1- 1.10.2014, 15:47
- 4,836
Вытворцы вядомых марак джынсаў задумаліся над мадэрнізацыяй штаноў праз габарыты новых смартфонаў Apple, якія з'явіліся ў продажы ў верасні 2014 года.
Пра гэта паведамляе Business Insider. Паколькі iPhone 6 і iPhone 6 Plus не змяшчаюцца ў кішэнях джынсаў сваіх уладальнікаў, некалькі fashion-брэндаў выказалі гатоўнасць выпусціць мадэлі з дэніму, удасканаленыя пад патрэбы сучасных спажыўцоў, паведамляе Lenta.ru.
Пра жаданне стварыць джынсы для ўладальнікаў iPhone 6, iPhone 6 Plus і іншых габарытных смартфонаў ужо заявілі маркі Levi's, Uniqlo, American Eagle, LL Bean, J Crew і Lee.
Як піша выданне, на стварэнне новых мадэляў джынсаў fashion-бізнэс натхніла вывучэнне водгукаў уладальнікаў новых смартфонаў у інтэрнэце, у якіх яны скардзяцца на немагчымасць насіць тэлефоны ў кішэнях штаноў.
Дата з'яўлення новых мадэляў джынсаў у продажы пакуль не ўдакладняюцца.
Смартфоны Apple новага пакалення з'явіліся ў продажы ў верасні 2014 года. Кампанія прадэманстравала iPhone 6 і iPhone 6 Plus, абедзве прылады значна павялічыліся што да іх папярэдніка iPhone 5S. Габарыты iPhone 6 - 138 на 67 міліметра ў даўжыню і шырыню, iPhone 6 Plus - 158 на 78 міліметраў.
Фота: Reuters