Відавочца: У аўтамабілях ля ГЦ «Шчасце» сядзяць снайперы
3- 1.10.2014, 15:53
- 21,098
Мянчанка, якая знаходзіцца каля ГЦ «Шчасце», падзялілася новай інфармацыяй.
Чытачка charter97.org Юлія знаходзіцца на месцы падзей.
«У асноўным усе толькі падыходзяць і цікавяцца, што адбылося. Асабіста я не бачыла ні хлопца, ні дзяўчыну. На ўваходзе ў гандлёвы цэнтр знаходзіцца АМАП. Міліцыі не вельмі шмат, у аўто сядзяць снайперы. На месцы шмат рэпарцёраў, ужо круцяць у навінах. Усе кажуць адно і тое ж: што нападнік дачакаўся перапынку ў дзяўчыны, і калі яна адчыняла дзверы, зайшоў разам з ёй, пагражаючы пісталетам», - паведамляе яна.
Нагадаем, сёння блізу 13:00 у менскім гандлёвым цэнтры «Шчасце» недалёка ад метро «Усход» адбыўся захоп абменніка BelSwiss. Узброены мужчына знаходзіцца ўнутры, касірка - у закладніках. На месцы працуюць аператыўныя групы ГУУС і СК, святар вядзе перамовы.