SOS: Абаронцы Данецкага аэрапорта маюць патрэбу ў дапамозе

«Не спісвайце нас», - просяць жаўнеры.

Байцам 3-й роты 1-га батальёна 79-й аэрамабільнай брыгады, якія атрымалі цяжкія раны ў баі за аэрапорт Данецка, патрэбная дапамога.

Пра гэта напісаў на сваёй старонцы ў сацыяльнай сетцы Фэйсбук дарадца прэзідэнта, валанцёр Юрый Бірукоў, інфармуе Цензор.нет.

"Фенікс, толькі не дазваляйце ім мяне спісваць, я хачу вярнуцца. У мяне няма паказальнага пальца, я не змагу страляць, але я спатрэблюся. Мне гэта трэба - мне трэба за нашых адпомсціць! Фенікс, не трэба іншай дапамогі - толькі не спісваць мяне!" - падае ён словы аднаго з параненых герояў.

"Я яго трымаў за руку, а ён выслізгваў у непрытомнасць. Але шаптаў - не спісвайце!... Даўно ў мяне не было такой гістэрыкі. Прыдуманая гісторыя? Драматызацыі моманту? Вы дрэнна ведаеце нашых дзецюкоў. Гэтыя гісторыі ляжаць цяпер у нашых лякарнях і шпіталях. Яны трызняць начамі, яны яшчэ жывуць у тым, у нядзельным баі. Калі два БТР 79-й брыгады сутыкнуліся сам на сам з двума расейскімі танкамі. 50 мэтраў, там немагчыма было не патрапіць. На жаль, у тым баі загінулі нашы хлопцы. У тым жудасным баі, калі шанцаў не было, але яны змагаліся. Яны не адступілі, яны не здаваліся. І пасля першага загінулага экіпажа - не здаліся. Білі па гадах. І падбілі", - піша ён.

Паводле звестак Бірукова, адзін з параненых у баі за аэрапорт два месяцы таму перавёўся ў брыгаду з батальёна ТрА - не хацеў стаяць на блок-посце пад Мікалаевам.

"Другому - 19 гадоў. Трэці - толькі ачомаўся ад раны ў катле сэктара "Д", і не дагуляўшы належны адпачынак, памкнуў на перадавую лінію з экіпажам. Цяпер у яго 8 аскепкаў у кішачніку, перытаніт. І ўсе яны - Героі. Вось толькі цяпер іх трэба лячыць і збіраць па кавалачках. Дваіх трэба вывозіць у Ізраіль - іхні досвед лячэння камбінаваных траўмаў нашмат лепшы, яны ваююць ужо нашмат даўжэй. Толькі гэта грошы. Якія ніхто, акрамя нас, не збярэ. І мы збярэм. І вылечым. І будзе маленькі цуд - як у Сярогі Масяна, які ўжо паволі вучыцца жыць, яго садзяць у крэсла і возяць па аддзяленні. Хоць большую частку часу яшчэ на ложку. 75% згарэлага цела, ніякіх шанцаў. Ізноў прыдуманая гісторыя? Ды не, гэта вось адна з тых самых гісторый", - дадаў валанцёр.

Хочаш дапамагчы?

Карта медыцынскіх і гуманітарных задач

4149 4950 0700 9232 Юрый Бірукоў

ВАЖНА! Усе карты 4149* прыдатныя толькі для папаўнення праз Прыват24, праз тэрміналы Прыватбанка і касы аддзялення Прыватбанка! Калі Вы хочаце пералічыць праз банк-кліент іншага банка, праз банкамат іншага банка, то выкарыстоўвайце ТОЛЬКІ:

5168 7572 3217 4575 Юрый Бірукоў

Рэквізіты для пералічэння праз PayPal:
часова недаступны

Справаздачы аб праведзенай рабоце:
Зборная фінансавая справаздача: http://www.wings-phoenix.org.ua/
Зборная фотасправаздача: https://www.facebook.com/wings.phoenix.foundation

Чым яшчэ дапамагчы
Іншыя пункты прыкладання намаганняў і ўсе банкавыя рэквізіты:
Http://www.wings-phoenix.org.ua/vse-rekvizity

Фота: Цензор НЕТ