На Закарпацці закрылі фонд вугорскага «Ёбіка»
2- 1.10.2014, 20:19
- 9,616
Фонд закрылі праз замах на цэласнасць Украіны.
Суд задаволіў пазоў пракуратуры аб спыненні дзейнасці дабрачыннага фонду «Прыёмнага незалежнага дэпутата Еўрапейскага парламента Бэйлі Ковача».
Гаворка ідзе аб фондзе аднаго з дэпутатаў праварадыкальнай партыі Вугоршчыны «За лепшую Вугоршчыну» («Ёбік»), якая ў сваёй палітычнай праграме задэкларавала вяртанне Закарпацця Вугорскай Рэспубліцы, паведамляе мясцовае выданне «Мукачево.net».
Як пастанавіў суд, дзейнасць фонду была накіраваная на ўмяшанне ва ўнутраныя справы Украіны і замах на яе тэрытарыяльную цэласнасць.
Як ўдакладняецца, падставай для звароту пракуратуры Закарпацкай вобласці ў Закарпацкі акруговы адміністрацыйны суд з пазовам аб спыненні дзейнасці дабрачыннага фонду «Прыёмная незалежнага дэпутата Еўрапейскага парламента Бэйлі Ковача» стала парушэнне фондам заканадаўства Украіны.