Беларускі саступілі кітаянкам ў 1/8 фіналу ЧС у баскетболе

Жаночая зборная Беларусі ў баскетболе закончыла выступленне на чэмпіянаце свету.

1 кастрычніка ў Стамбуле ў матчы 1/8 фіналу беларускі саступілі камандзе Кітая - 67:72, піша БелаПАН.

Падапечныя Рымантаса Грыгаса ўпэўнена правялі тры чвэрці, перавага ў ліку дасягаў 12 балаў, аднак астатнія 10 хвілін пацярпелі з трэскам - 07:25.

Самай выніковай у складзе зборнай Беларусі стала Таццяна Ліхтаровіч - 20 балаў + 3 падборы + 4 перадачы. На рахунку Алены Леўчанкі 16 балаў, 13 падбораў і 9 перадач.

Зборная Кітая ў чвэрцьфінале 3 кастрычнік сустрэнецца з камандай Гішпаніі.

На папярэднім этапе Беларусь у сваёй групе заняла другое месца, падолеўшы Паўднёвую Карэю і Кубу, але саступіўшы Аўстраліі. Зборная Кітая ў сваёй групе фінішавала трэцяй, падолеўшы Анголу, але саступіўшы ЗША і Сербіі.

Нагадаем, што на папярэднім чэмпіянаце свету ў 2010 годзе ў Чэхіі зборная Беларусі заняла чацвёртае месца, саступіўшы ў матчы за бронзу гішпанкам. Паводле вынікаў таго ЧС беларуская каманда ў рэйтынгу ФІБА размясцілася на 10-м месцы.