Унікальныя трубказубы пасяліліся ў Менскім заапарку

Трубказубы - адзіны від млекакормячых, здольны пахваліцца наяўнасцю ўласнага атрада.

Два прадстаўнікі ўнікальнага віду пасяліліся ў Менскім заапарку, піша «Менск-навіны».

Першай прыехала самка з Чэлябінска, следам даставілі кавалера з Масквы. Далёка не кожны заапарк можа пахваліцца такімі гадаванцамі. Прырода надзяліла гэтага звера такім дзіўным знешнім выглядам, што з першага погляду і не зразумееш, на каго ж ён падобны: цела мурашкаеда, вушы труса, пятачок парася, а хвост кенгуру. Пры гэтым ён не абдзелены ўнікальнымі здольнасцямі, дзякуючы якім у працэсе эвалюцыі перажыў многія іншыя віды.

- Яны такія прыгожанькія! Самец спачатку крыху размякаў, але цяпер яны ўвесь час разам, спяць побач, скруціўшыся абаранкам, - распавяла Яўгена Разнічэнка, заатэхнік заапарка. - Трубказубы - начныя жывёлы, так што падчас кармлення даводзіцца іх будзіць. Прызнацца, разварушыць іх вельмі складана!

Але голад не цётка, і звяркі, з неахвотай пакідаючы цёплае мястэчка пад лямпай, два разы на дзень адпраўляюцца паесці. Апетыт у іх хвацкі, асабліва ў самкі: яна хуценька з'ядае сваю порцыю і... прыладжваецца да суседняй. Менавіта ў такія моманты і можна добра разгледзець трубказуба. У іншы час наведвальнікам на агляд выстаўленыя толькі магутныя хвасты і кіпцюрыстыя лапы.

- У трубказуба вельмі доўгі язык, да таго ж яшчэ і ліпкі. Гэта дапамагае яму даставаць лічынак з разбураных імі тэрмітнікаў. Тут падапечных кормім у адпаведнасці з рацыёнам, які раяць для заапаркаў. Перш за ўсё гэта сухі корм для сабак прэміум-класа, размочаны ў малацэ, садавіна, гародніна, тварог з варэннем. Адзін раз у некалькі дзён даем розных насякомых, грамаў 100. Лічынак тэрмітаў у нас, на жаль, няма, цвыркуны жорсткія прах хіцінавае пакрыццё, а заафобус тлусты, - падзялілася Яўгенія.

Хутка салодкая парачка пераселіцца ў экзатарыум, адкрыццё якога ўжо не за гарамі. А пакуль яны жывуць у вальеры звыклым у для сябе раскладзе: паелі, можна і паспаць, ноччу - пакапаць.