Сяргей Крывец: На матчы Беларусь-Украіна было шумна і цікава

Паўабаронца зборнай Беларусі падзякаваў заўзятарам за падтрымку на матчы з Украінай.

Пра гэта Сяргей Крывец заявіў на прэс-канферэнцыі пасля гульні, піша «Прессбол».

«Калі знаходзішся на поле, асабліва не прыслухоўваешся да словаў, якія скандуюць заўзятары. Але было чуваць, што заўзелі гучна. І градус падтрымкі нас сур'ёзна прыспешваў. На матчы з украінцамі на трыбунах было блізу дзесяці тысяч гледачоў. Спадзяюся, на паядынак са славакамі прыйдзе яшчэ больш балельшчыкаў. Хачу падзякаваць заўзятарам за падтрымку ў матчы з Украінай. Не чуў, якія канкрэтна былі крычалкі, але атрымалася вельмі шумна і выдатна», - заявіў Сяргей Крывец.

Футбольны матч зборных Беларусі і Украіны абмяркоўваюць не толькі праз гульню, у якой нашы саступілі 0:2. І беларусы, і жоўта-блакітныя фанаты зладзілі сумесны перфоманс, напяваючы вядомую песню пра Пуціна, а таксама «Ваяроў святла» «Ляпісу Трубецкога», пераклікаючыся лозунгамі «Слава Украіне», «Жыве Беларусь», «Разам і назаўжды».

А пасля футбола былі страты з абодвух фанацкіх сектараў. Восем украінцаў у выніку атрымалі па пяць дзён арышту. 12 беларусаў - штрафы. Такім чынам заявіць пра сябе і беларуская міліцыя, бо навіна пра затрыманні разышлася нават па топавых сусветных СМІ. У сітуацыю ўмяшаўся прэзідэнт Украіны Пётр Парашэнка, які запатрабаваў вызваліць заўзятараў.