Навукоўцы змянілі храналогію эгейскай цывілізацыі

Брытанскія і нямецкія навукоўцы высветлілі, што эгейская цывілізацыя скончыла сваё існаванне на 100 гадоў раней, чым меркавалася раней.

Вынікі свайго даследавання аўтары апублікавалі ў часопісе PLoS ONE, піша Lenta.ru.

Да такіх высноў спецыялісты прыйшлі пасля радыёвугляроднага аналізу 60 узораў костак жывёл, астанкаў раслін і будаўнічых матэрыялаў, знойдзеных падчас раскопак у вёсцы Асырас (Гвоздава), што знаходзіцца ў 25 кіламетрах ад горада Салонікі на поўначы Грэцыі. Навукоўцы даследавалі, з іх слоў, найбольш поўны набор артэфактаў эгейскай культуры, датаванай XIV-X стагоддзямі да нашай эры.

Раней датай пачатку заняпаду эгейскай культуры значыўся перыяд 1025-1050 гадоў да нашай эры. Даследаванне навукоўцаў адсоўвае гэтую падзею на 70-100 гадоў таму. Раней яны атрымлівалі звесткі аб гэтым працэсе выключна паводле ўскосных звестак: паводле выяўлення мінойскай або мікенскай керамікі, а таксама егіпецкіх статуэтак святых скарабеяў.

Эгейская цывілізацыя зрабіла вялікі ўплыў на суседнія цывілізацыі, прынамсі, на блізкаўсходнюю. Яна ўключала ў сябе грамадствы, што сфармавалі эладскую, мікенскую, крыцкую (мінойскую) і кікладскую культуры. Эгейскі свет распасціраўся па тэрыторыях ад Заходняй Анатоліі да мацерыковай Грэцыі і захопліваў Крыт і Кікладскія выспы.

Гібель большасці эгейскіх культур пасля звычайна недоўгачасовага перыяду росквіту і пры адсутнасці ясна выяўленай фазы выраджэння і заняпаду ўспрымаецца як раптоўны трагічны фінал, выкліканы дзеяннем знешніх, выпадковых прычын.