У сястры актывіста «Еўрапейскай Беларусі» прайшоў ператрус
1- 11.10.2014, 19:27
- 4,608
Супрацоўнікі міліцыі шукалі «матэрыялы, якія тычацца дзейнасці Уладзіміра Лемеша.
Пра гэта сайту charter97.org паведаміў сам актывіст грамадзянскай кампаніі «Еўрапейская Беларусь».
«Ператрус у доме, дзе жыве мая сястра Марына Лемеш з мужам, прайшоў у рамках праверкі з нагоды акцыі, прысвечанай гадавіне Аршанскай бітвы. Прысутнічалі сведкі. Як сказалі супрацоўнікі міліцыі, яны шукалі «матэрыялы, якія тычацца дзейнасці Уладзіміра Лемеша». Нічога не знайшлі, склалі пратакол», - распавёў ён.
Раней супрацоўнікі міліцыі затрымалі Уладзіміра Лемеша і правялі ператрус у яго дома.