БЧ: У лістападзе будуць курсаваць больш за 20 дадатковых цягнікоў
2- 13.10.2014, 11:41
- 5,859
Для перавозак пасажыраў у межах Беларусі і ў міжнародных кірунках прызначана больш за 20 дадатковых цягнікоў.
Пра гэта charter97.org паведамілі ў прэс-службе БЧ.
Беларуская чыгунка загадзя прымае меры, каб забяспечыць перавозкі пасажыраў у перыяд школьных канікул, а таксама ў выхадныя і святочныя дні лістапада.
У тым ліку 3 лістапада будзе курсаваць дадатковы цягнік №688 Берасце-Магілёў, 6 лістапада - цягнікі №667 Менск-Берасце, №672 Менск-Гомель, №638 Менск-Гомель, №637 Гомель-Менск, №693 Полацк-Менск, № 694 Менск-Полацк; 7 лістапада - цягнікі №666 Берасце-Менск, №671 Гомель-Менск, №638 Менск-Гомель, №637 Гомель-Менск.
У міжнародных кірунках дадатковыя цягнікі прызначаныя па маршруце Берасце-Масква-Берасце.