Лукашэнка: Мы не разглядаем сябе ў адрыве ад Расеі
54- 13.10.2014, 12:37
- 18,831
Дыктатар пацвердзіў, што не бачыць сябе ў адрыве ад Расеі.
Пра гэта Лукашэнка заявіў сёння на сустрэчы з губернатарам Свярдлоўскай вобласці Яўгенам Куйвашавым, паведамляе БелТА.
«Мы не разглядаем сябе ў адрыве ад Расейскай Федэрацыі, толькі разам, у сумеснай дзейнасці. Толькі ў тым выпадку, калі мы будзем супрацьстаяць усялякім пагрозам разам, мы здольныя выстаяць і выжыць, - сказаў дыктатар. - Сведчаннем таму з'яўляюцца падзеі ў нашай суседняй краіне. Хто б мог падумаць, што такое ўвогуле можа быць?».
«Я думаю, мы былі і будзем разам», - падкрэсліў Лукашэнка.
Ён адзначыў, што асновай беларуска-расейскіх стасункаў з'яўляецца эканоміка. «Калі мы будзем нармальна прасоўвацца ў гандлёва-эканамічнай сферы, то ніякія буры і ўраганы нам не страшныя», - упэўнены кіраўнік.
Фота: Reuters