Фільм пра гомельца, які жыве 20 гадоў на вакзале, атрымаў узнагароды ў Расеі
16- 13.10.2014, 18:19
- 25,081
Гісторыя таленавітага мастака з Гомеля скарыла гледачоў і журы.
Фільм Анастасіі Мірашнічэнкі «Перакрыжаванне» пра жыццё бяздомнага беларускага мастака Валерыя Ляшкевіча перамог у трох намінацыях на 25-м адкрытым фэсце дакументальнага кіно «Расея»: «Найлепшы фільм пра чалавека-стваральніка», «Найлепшы дэбют» і «Прыз глядацкіх сімпатый». У гэтым годзе на фестываль паступіла больш за 300 заявак, піша БелТА.
Першым з беларускіх дакументальных фільмаў «Перакрыжаванне» таксама ўключаны ў конкурсную праграму 30-га Варшаўскага міжнароднага кінафэсту (Warsaw Film Festival), які праходзіць 10-19 кастрычніка.
«Перакрыжаванне» распавядае пра мастака, які больш за 20 гадоў жыве ў Гомелі на вакзале. Работы Валерыя Ляшкевіча захоўваюцца ў фондах Нацыянальнага мастацкага музея, Гомельскага палацава-паркавага ансамбля, Заслаўскага гісторыка-культурнага музея-запаведніка, а таксама ў прыватных калекцыях у Беларусі, Расеі, краінах Еўропы і ЗША.