Noize MC за падтрымку украінцаў забараняюць канцэрты ў Расеі

Ужо дзве канцэртныя пляцоўкі адмовіліся праводзіць выступ артыста.

Вядомаму расейскаму хіп-хоп выканаўцу Noize MC, які размахваў украінскім сцягам у Львове, касуюць выступы ў Расеі. Так, запланаваныя на 13 кастрычніка ў Краснаярску, а таксама на 16 кастрычніка ва Уладзівастоку канцэрты не адбудуцца. Аб гэтым паведамляецца на афіцыйнай старонцы гурта ў сацсетках, паведамляе ТСН.

"Гурт Noize MC заўсёды стараецца зрабіць максімум для таго, каб запланаваныя канцэрты гастрольнага тура адбыліся, але на жаль, сёння канцэртная пляцоўка ў вашым горадзе адмовілася ад правядзення канцэрта", - канстатуюць музыкі.