Авіяцыя Турцыі нанесла ўдар па курдскім паўстанцам
4- 14.10.2014, 12:38
- 6,775
Турэцкія знішчальнікі F-16 і F-4 нанеслі ўдары па пазіцыях курдскіх паўстанцаў у правінцыі Хакяры побач з ірацкай мяжой.
Гэта першы значны паветраны налёт на сяброў Працоўнай партыі Курдыстана з сакавіка 2013 года, калі паўстанцы абвясцілі аб замірэнні, перадае BBC.
Газета Hürriyet Daily паведамляе аб "вялікіх стратах" у выніку ўдараў авіяцыі.
Курды незадаволеныя адмовай Турцыі дапамагчы ў абароне сірыйскага памежнага горада Кобань ад баевікоў "Ісламскай дзяржавы".
Турэцкія СМІ таксама паведамлялі пра сутыкненні, якія адбыліся ў панядзелак у цэнтральнай і ўсходняй частцы краіны паміж паўстанцамі Рабочай партыі Курдыстана і вайскоўцамі.
Са слоў турэцкіх вайскоўцаў, цяперашнія ўдары з'яўляюцца адказам на сталыя абстрэлы мясцовага вайсковага паста з боку паўстанцаў.